Հոկտեմբերի 2-ից 4-ը Ֆրանսիայի Ստրասբուրգ քաղաքում կայացել է «Պաշտոնական փաստաթղթերի մատչելիության մասին»  Եվրոպայի Խորհրդի կոնվենցիայի (Թրոմսո կոնվենցիա) կողմերի 4-րդ հանդիպումը, որին Հայաստանի Հանրապետության անունից մասնակցում էր Անձնական տվյալների պաշտպանության գործակալությունը՝ ի դեմս Գործակալության պետ Գրիգոր Ներսիսյանի։

Նիստի ընթացքում քննարկվել են Կոնվենցիային միացած պետությունների զեկույցները Կոնվենցիայի դրույթների կիրարկման վերաբերյալ։ Մասնակիցներն ընտրել են նաև Կողմերի խորհրդակցության ղեկավար կազմ և Տեղեկատվության հասանելիության խմբի անդամ։

Նշենք, որ 2025 թվականին կայանալիք հաջորդ՝ 5–րդ հանդիպմանը, կքննարկվի նաև Հայաստանի և Ալբանիայի վերաբերյալ ներկայացված եզրակացությունները։

Հիշեցնենք, որ «Պաշտոնական փաստաթղթերի մատչելիության մասին»  ԵԽ կոնվենցիան Հայաստանը վավերացրել է 2022 թվականին՝ դառնալով այն վավերացրած 12-րդ երկիրը։