Շրջակա միջավայրի կառավարման ոլորտի թվային ծառայությունների հարթակի (nature.e-gov.am) մշակման և հետագայում դրանց գործարկմանը ներկայացվող մանրամասներին ծանոթանալու նպատակով 2025 թվականի հունվարի 14-ին Անձնական տվյալների պաշտպանության գործակալությունում տեղի է ունեցել աշխատանքային հանդիպում Շրջակա միջավայրի նախարարության կենսառեսուրսների կառավարման վարչության պետ Սևակ Բալոյանի և «ՎԻ ԻՔՍ ՍՈՖԹ» ընկերության տնօրեն Վահագն Մխիթարյանի հետ:

Հանդիպման ընթացքում մասնավորապես քննարկվեցին հարթակի գործարկմամբ թվայնացվող շրջակա միջավայրի կառավարման մի շարք ոլորտների՝ որս իրականացնելու թույլտվությունների, կենդանական աշխարհի օբյեկտների օգտագործման, ինչպես նաև շրջակա միջավայրի այլ ոլորտների ծառայությունների և այդ համատեքստում անձական տվյալների մշակման հետ կապված հարցեր: