Հունվարի 28-ը աշխարհում նշվում է որպես Անձնական տվյալների պաշտպանության միջազգային օր
Հունվարի 28-ը աշխարհում նշվում է որպես Անձնական տվյալների պաշտպանության միջազգային օր: Այս խորհրդանշական օրը ևս մեկ առիթ է տեղեկացնելու անձնական տվյալների պաշտպանության իրավունքի կարևորության մասին։
Հայաստանում անձնական տվյալների պաշտպանության լիազոր մարմինը Անձնական տվյալների պաշտպանության գործակալությունն է, որը 2015 թվականից ի վեր պատասխանատու է ՀՀ քաղաքացիների անձնական տվյալների պաշտպանության համար։
Հիշե´ք, փոքր փոփոխություններ կատարելով և տվյալների հրապարակման գրագիտություն կիրառելով՝ դուք կարող եք պաշտպանել ձեզ ռիսկերից և հզորացնել ձեզ թվային աշխարհում: Անձնական տվյալների պաշտպանությունը շարունակական գործընթաց է, որին կարելի է հասնել ինքնակրթվելով և այդ իրավունքի իրացմանն ուղղված գործուն քայլերով։